20 кВ ТАРАТУ ЖЕЛІСІНІҢ НЕЙТРАЛ ЖЕРЛЕНДІРГІШІН ПАЙДАЛАНУДЫҢ НЕГІЗДЕМЕСІ
DOI:
https://doi.org/10.56525/eex0sy73Кілт сөздер:
нейтрал резистивті жерге қосу, кедергі, қосалқы станция, асқын кернеу, электр қауіпсіздігі, релелік қорғанысАңдатпа
Бұл мақалада 20 кВ кернеулі электр желілерінде нейтральді жерге қосу режимін таңдау мәселесі қарастырылады. Орта кернеулі электр желілерінің сенімді және қауіпсіз жұмысын қамтамасыз ету энергетикалық жүйелерді пайдалану кезінде маңызды міндеттердің бірі болып табылады. Осы тұрғыдан алғанда, желі нейтралін резистор арқылы жерге қосу тәсілін қолдану желінің сенімділігін арттыруға және апаттық жағдайлардың алдын алуға мүмкіндік береді. Зерттеу барысында нейтральді резистор арқылы жерге қосу режимінің жұмыс ерекшеліктері, оның электр желілерінің тұрақтылығына және қорғау жүйелерінің тиімді жұмысына әсері талданды.
Атап айтқанда, мұндай жерге қосу әдісі бір фазалы қысқа тұйықталу кезінде ақаулы желілерді автоматты түрде анықтауға және оқшаулауға мүмкіндік беретіні көрсетілді. Сонымен қатар бұл тәсіл электр жабдықтарына түсетін артық кернеулердің деңгейін төмендетуге және апаттық жағдайлардың ықтималдығын азайтуға жағдай жасайды. Зерттеу нәтижелері көрсеткендей, желідегі үзілістер немесе коммутациялық процестер кезінде артық кернеулердің рұқсат етілген деңгейін сақтау үшін нейтраль резисторының мәнін белгілі бір шектерде арттыру қарастырылады. Бұл өз кезегінде бір фазалы қысқа тұйықталу тогының шамасын азайтуға мүмкіндік береді.
Жүргізілген талдау нәтижелері 20 кВ электр желілерінде нейтральді резистор арқылы жерге қосу режимін қолдану электрмен жабдықтау жүйесінің сенімділігі мен қауіпсіздігін арттыруда маңызды рөл атқаратынын көрсетеді.
