ӘРТҮРЛІ ҚУАТТАҒЫ КҮН ПАНЕЛЬДЕРІ МЕН ЖЕЛ ТУРБИНАСЫНЫҢ ЭНЕРГЕТИКАЛЫҚ КӨРСЕТКІШТЕРІН ЭКСПЕРИМЕНТТІК САЛЫСТЫРУ
DOI:
https://doi.org/10.56525/pk4t0g15Кілт сөздер:
жаңартылатын энергия көздері, күн панелі, жел турбинасы, күн энергиясы, жел энергиясы, электр энергиясын өндіру, қуат, кернеу, ток күші, энергетикалық тиімділік, салыстырмалы талдау, энергия өндіруАңдатпа
Бұл мақалада әртүрлі қуаттағы күн панельдері мен жел турбинасының энергетикалық көрсеткіштеріне салыстырмалы талдау жүргізілген. Зерттеу нысандары ретінде жоғары қуатты бір күн панелі, бірнеше кіші қуатты күн панельдері және жел турбинасы қарастырылды. Зерттеу барысында жаңартылатын энергия көздерінің жұмыс тиімділігін бағалау мақсатында эксперименттік өлшеулер жүргізілді. Әрбір энергия көзінің негізгі электрлік параметрлері, атап айтқанда кернеу, ток күші, қуат және белгілі бір уақыт аралығында өндірілген энергия мөлшері анықталды. Өлшеу нәтижелері негізінде әрбір құрылғының жұмыс тиімділігі мен энергетикалық сипаттамалары салыстырмалы түрде талданды.
Сонымен қатар зерттеу барысында энергия көздерінің қоршаған орта жағдайларына тәуелділігі де қарастырылды. Атап айтқанда, күн панельдерінің жұмыс тиімділігі күн сәулесінің қарқындылығына байланысты өзгеретіні, ал жел турбинасының өнімділігі жел жылдамдығына тікелей тәуелді екені анықталды. Алынған нәтижелер жоғары қуатты күн панелінің энергия өндіру қабілеті тұрақты әрі тиімді екенін көрсетті. Сонымен бірге бірнеше кіші қуатты күн панельдерін біріктіріп пайдалану жалпы өндірілетін энергия көлемін арттыруға мүмкіндік беретіні анықталды.
Жүргізілген зерттеу нәтижелері жаңартылатын энергия көздерін тиімді пайдалану, энергетикалық жүйелерді жобалау және олардың жұмыс тиімділігін арттыру мәселелерін шешуде маңызды практикалық мәнге ие.
