ҚАЗАҚСТАН РЕСПУБЛИКАСЫНДА ОТБАСЫЛЫҚ-ТҰРМЫСТЫҚ ЗОРЛЫҚ-ЗОМБЫЛЫҚҚА ҚАРСЫ ІС-ҚИМЫЛДЫ ҚҰҚЫҚТЫҚ РЕТТЕУ
DOI:
https://doi.org/10.56525/bvhjfy30Кілт сөздер:
тұрмыстық зорлық-зомбылық, тұрмыстық зорлық-зомбылық түрлері, тұрмыстық зорлық-зомбылықтың нысандары, оған қарсы күрес шаралары, отбасындағы зорлық-зомбылықтың себептеріАңдатпа
Мақалада Қазақстан Республикасындағы отбасылық-тұрмыстық зорлық-зомбылыққа қарсы іс-қимылды құқықтық реттеудің өзекті мәселелері қарастырылады. Тұрмыстық зорлық-зомбылық мәселесі адам құқықтары мен бостандықтарының қамтамасыз етілуіне, отбасы институтының тұрақтылығына және жалпы қоғам қауіпсіздігіне елеулі қауіп төндіреді. Зерттеудің мақсаты – Қазақстан Республикасының қолданыстағы заңнамасын, отбасылық-тұрмыстық зорлық-зомбылықтың алдын алу, жолын кесу және профилактика мәселелерін реттейтін құқықтық нормаларды талдау, сондай-ақ бар проблемаларды анықтап, оларды шешу жолдарын айқындау. Зерттеу барысында формальды-құқықтық, салыстырмалы-құқықтық және социологиялық ғылыми талдау әдістері қолданылды. Ерекше назар Қазақстан Республикасының «Тұрмыстық зорлық-зомбылық профилактикасы туралы» Заңының ережелеріне, қылмыстық және әкімшілік заңнамадағы өзгерістерге, сондай-ақ адам құқықтарын қорғау мен гендерлік теңдік саласындағы халықаралық стандарттарға аударылды. Мақалада осы саладағы мемлекеттік саясаттың қазіргі даму тенденциялары, статистикалық көрсеткіштер және қорғау шараларын қолдану тәжірибесі талданады. Автор нормативтік-құқықтық базаны одан әрі жетілдіру, профилактикалық қызметті күшейту, ведомствоаралық өзара іс-қимылдың тиімділігін арттыру және отбасылық зорлық-зомбылықтан зардап шеккен тұлғаларды әлеуметтік және құқықтық қолдау тетіктерін дамыту, сондай-ақ олардың әлеуметтік қолдау жүйесін кеңейту қажеттігі туралы қорытындыға келеді.
