БАСТАУЫШ СЫНЫП ОҚУШЫЛАРЫНДА ТОЛЕРАНТТЫ ҚАРЫМ-ҚАТЫНАСТЫ ДАМЫТУДЫҢ КЕЙБІР МӘСЕЛЕЛЕРІ
Кілт сөздер:
толеранттылық, қарым-қатынас, өзара әрекеттестік, төзімділік, толерантты қарым- қатынас, субъект-субъектілі әрекеттестікАңдатпа
Бұл мақалада бастауыш сынып оқушыларындағы толерантты қарым қатынасты теориялық-әдіснамалық аспектілері қарастырылады. «Толеранттылық», «қарым-қатынас» ұғымдарының мәні философиялық, психологиялық және педагогикалық тұрғыдан жан-жақты талданады. Зерттеу барысында толерантты қарым қатынастың көп жақты және көп функционалды құбылыс екендігі, оның негізінде өзара әрекеттесу сипаттары жататыны анықталады. Мақалада толерантты қарым-қатынастың философиялық мәні мәдениетті мінез-құлық, таным, ойлау әрекеті, ақыл-парасаттылық, қарым-қатынас және белсенділік сияқты сапалар арқылы сипатталады. Сонымен қатар, психологиялық және педагогикалық тұрғыдан бұл ұғым тұлғаның немесе заттың ерекшеліктерін қарсылықсыз, күштеусіз қабылдауға дайындығы мен қабілеті ретінде түсіндіріледі. Бастауыш сынып оқушыларында толерантты қарым-қатынасты дамытудың қазіргі жағдайын анықтау мақсатында диагностика жүргізілді. Анықтау эксперименті барысында В.В. Бойко әдістемесіне негізделген сауалнама қолданылып, оның нәтижелері талданды. Жүргізілген зерттеулер негізінде бастауыш сынып оқушыларында толерантты қарым қатынасты дамыту бойынша ғылыми-тәжірибелік ұсыныстар ұсынылды.
