ҚАЗАҚСТАНДАҒЫ ЖАҢАРТЫЛҒАН БІЛІМ БЕРУ МАЗМҰНЫ ЖАҒДАЙЫНДАҒЫ КРИТЕРИАЛДЫ БАҒАЛАУ ЖҮЙЕСІ
DOI:
https://doi.org/10.56525/45mf7629Кілт сөздер:
жаңартылған білім беру мазмұны, критериалды бағалау, оқу нәтижелері, оқу жетістіктері, қалыптастырушы бағалау, жиынтық бағалауАңдатпа
Мақалада Қазақстан Республикасындағы жаңартылған білім беру мазмұны аясындағы критериалды бағалау жүйесінің ерекшеліктері қарастырылады. Зерттеудің өзектілігі білім беруді дамытудың стратегиялық міндеттерімен, білім сапасын халықаралық стандарттарға сәйкес арттыру қажеттілігімен, сондай-ақ оқытудың заманауи нәтижелеріне қойылатын талаптармен айқындалады. Оқушылардың оқу жетістіктерін бағалаудың объективтілігін, ашықтығын және әділдігін қамтамасыз етуге ерекше назар аударылады. Бұл бірыңғай бағалау критерийлерін қолдану арқылы жүзеге асырылады. Мақалада критериалды бағалаудың негізгі қағидаттары, оның білім сапасын арттырудағы рөлі, сондай-ақ білім беру үдерісіндегі қалыптастырушы және жиынтық бағалаудың ерекшеліктері ашылады. Сонымен қатар, оқушылардың оқу дағдыларын дамытуда кері байланыстың, өзін-өзі бағалаудың және мұғалім тарапынан көрсетілетін қолдаудың маңыздылығы атап өтіледі. Зерттеу қорытындысында критериалды бағалау оқу мотивациясын арттыруға, оқу нәтижелерін объективті бағалауға, педагогикалық тәжірибені жетілдіруге және қазақстандық мектеп түлектерінің бәсекеге қабілеттілігін арттыруға ықпал ететіні тұжырымдалады.




