КҮН ЭНЕРГИЯСЫ НЕГІЗІНДЕ ЖҰМЫС ІСТЕЙТІН ПАССИВТІ БУЛАНДЫРМАЛЫ САЛҚЫНДАТУ ЖҮЙЕСІНІҢ МҮМКІНДІКТЕРІ
DOI:
https://doi.org/10.56525/f4xjyh06Кілт сөздер:
Күн энергиясы, буландырмалы салқындату, буландырмалы салқындату жүйесі, тұзды су, сорғысыз салқындату, энергия үнемдейтін технологияларАңдатпа
Бұл мақалада күн энергиясын пайдалану арқылы жұмыс істейтін, тұзды суды қолданатын және сорғысыз жұмыс істейтін буландырмалы салқындату жүйесін жасауға арналған қолданбалы ғылыми жобаның нәтижелері сипатталады. Зерттеу барысында буландырмалы салқындату технологияларының теориялық негіздері жан-жақты қарастырылып, әлемде қолданылып жүрген заманауи буландырмалы салқындату жүйелеріне талдау жүргізілді. Дәстүрлі буландырмалы салқындату жүйелерінде әдетте судың айналымын қамтамасыз ету үшін сорғылар, ал ауа ағынын қалыптастыру үшін желдеткіштер қолданылады. Мұндай құрылғылар жүйенің жалпы энергия тұтынуын арттырады және қосымша электр энергиясын қажет етеді.
Осы зерттеу аясында энергия шығынын азайту мақсатында табиғи булану процесіне және күн энергиясын тиімді пайдалануға негізделген сорғысыз салқындату құрылғысының жаңа тұжырымдамасы ұсынылды. Сонымен қатар булану процесі кезінде тұзды судың физикалық қасиеттері, оның ішінде температура, тұздылық деңгейі және булану жылдамдығы зерттеліп, олардың салқындату тиімділігіне әсері талданды. Жүргізілген зерттеулердің нәтижелері энергия үнемдейтін әрі экологиялық тұрғыдан қауіпсіз салқындату технологияларын дамыту үшін маңызды ғылыми негіз болып табылады.
