СЭР ОСВАЛЬД МОСЛИДІҢ ФИЛОСОФИЯСЫ МЕН КӨЗҚАРАСТАРЫ
DOI:
https://doi.org/10.56525/md0a3986Кілт сөздер:
Саяси философия, либералдық демократияны сынға алу, көшбасшылық пен билік, ұлтшылдық, еуропалық бірлікАңдатпа
Мақала Ұлыбритания тарихындағы ең даулы саяси ұйымдардың бірі — Британдық фашистер одағының негізін қалаушы, британ саясаткері сэр Освальд Мослидің философиялық идеялары мен саяси көзқарастарын зерттеуге арналған. Мақалада оның либералдық демократия мен парламентаризмге жасаған сыны, күшті ¹¹көшбасшылық, органикалық мемлекет және біртұтас еуропалық өркениет туралы көзқарастары, сондай-ақ капитализм мен социализм арасындағы «үшінші жол» ретіндегі корпоративизм экономикалық тұжырымдамасы талданады. Британ фашизмі идеологиясы сол кезеңдегі Ұлыбританияда қалыптасқан солшыл да, оңшыл да бағыттарға жатпай, балама үшінші ұстаным ретінде сипатталады. Освальд Мослидің ұлтшылдық, әлеуметтік бірлік және АҚШ пен КСРО ықпалының ықтимал күшеюіне қарсы қойылған жалпы еуропалық интеграция идеясына қатысты көзқарастарына ерекше назар аударылады. Сонымен қатар оның тарихты түсінуі, батыс философиясының еуропалықтардың өміріндегі рөлі және ұлттық тағдыр туралы пайымдаулары қарастырылады. Мосли идеяларының зияткерлік бастаулары мен олардың соғысаралық кезеңдегі дағдарыстармен байланысы көрсетіледі. Қорытындысында Мосли философиясының ХХ ғасырдағы саяси ой контекстіндегі өзектілігі мен шектеулері, сондай-ақ еркіндік, билік, бірлік, ерік және тәртіп арақатынасы жөніндегі қазіргі пікірталастар тұрғысынан бағаланады.
