БОЛАШАҚ ДЕНЕ ТӘРБИЕСІ МҰҒАЛІМДЕРІНІҢ КӘСІБИ ҚҰЗЫРЕТТІЛІКТЕРІ: ЭМОЦИОНАЛДЫҚ ИНТЕЛЛЕКТ ЖӘНЕ ҰЙЫМДАСТЫРУШЫЛЫҚ ДАҒДЫЛАРДЫҢ БАЙЛАНЫСЫ
Кілт сөздер:
дене тәрбиесі, эмоционалдық интеллект, коммуникативтік бейімділіктер, ұйымдастырушылық бейімділіктер, педагогикалық құзыреттілік, студенттер, оқытушыларАңдатпа
Зерттеуде Д. В. Люсиннің «Эмоционалды интеллект» әдістемесі және В.
В. Синявский мен Б. А. Федоришиннің «Коммуникативтік және ұйымдастырушылық қабілеттер» тесті қолданылды. Бұл әдістер екі топтың көрсеткіштерін салыстырмалы түрде талдауға мүмкіндік берді. Зерттеу нәтижелері студенттер мен оқытушылардың эмоционалды
интеллект деңгейі мен коммуникативтік дағдылары арасында тұрақты өзара байланыс бар екенін көрсетті. Эмоционалды интеллект деңгейі жоғары студенттер тиімді қарым-қатынас жасау, эмоцияларды басқару және даулы жағдайларды шешу қабілеттерін жақсы меңгергені
анықталды. Бұл студенттердің білім беру үдерісінде коммуникативтік процестерге белсенді қатысуы олардың практикалық дағдыларын дамытып қана қоймай, эмпатия, күйзеліске төзімділік және ынтымақтастыққа қабілеттілік сияқты маңызды жеке қасиеттерді
қалыптастыруға ықпал ететінін көрсетеді. Эмоционалды интеллект пен коммуникативтік дағдыларды дамыту тек студенттер үшін
ғана емес, оқытушылар үшін де маңызды рөл атқарады. Педагогтер үшін өз эмоцияларын басқару, студенттердің эмоционалды жағдайын түсіну және ұжымда тиімді қарым-қатынас орната білу кәсіби құзыреттіліктің маңызды аспектісі болып табылады. Бұл оқу топтарында қолайлы психологиялық орта қалыптастыруға ықпал етеді, ал бұл өз кезегінде студенттердің уәждемесіне және білім беру үдерісіне белсенді араласуына оң әсерін тигізеді. Сонымен қатар, оқытушылардың эмоционалды интеллектін дамыту олардың педагогикалық міндеттерді тиімді шешуіне, білім беру ортасындағы өзгерістерге бейімделуіне және кәсіби белсенділік деңгейін жоғары ұстауына көмектеседі. Зерттеу білім беру жүйесіне эмоционалды интеллект пен коммуникативтік дағдыларды дамытуға бағытталған бағдарламаларды енгізудің қажеттілігін ерекше атап көрсетеді. Мұндай бағдарламаларға оқытушыларға арналған арнайы тренингтер, мастер-кластар мен курстар өткізу, сондай-ақ студенттердің оқу бағдарламасына тиісті модульдерді енгізу кіруі мүмкін. Бұл шаралар білім беру сапасын арттыруға ғана емес, сонымен қатар барлық білім беру үдерісіне қатысушылардың үйлесімді дамуы үшін қолайлы жағдайлар жасауға мүмкіндік береді. Эмоционалды интеллект пен коммуникативтік дағдыларды дамыту – заманауи талаптар мен сын-тегеуріндерге жауап беретін неғұрлым тиімді әрі гуманистік білім беру
жүйесін қалыптастырудың маңызды қадамы болып табылады.
